Piccerella mia, nata 'a matina,
cull'oro 'int' all'uocchie e 'a faccia fina.
T'avimmo cercata tant', cu' pacienza e core,
t'avimmo cercata comm' 'e sera se cerca 'o sole.
Si' 'nu sciore ca nasce 'ngopp 'a neve,
ca sfida 'o friddo e cresce lieve lieve,
'nu sciore ca sboccia senza rummore,
cu' tutta 'a forza 'e 'nu grand'ammore.
Si' respiro 'e seta e stella 'ncielo,
carezza doce 'e 'nu pensiero,
si' speranza ca s'affaccia 'a vita,
'nu segreto 'e luce infinita.
E mò t'adduorme 'int' 'a sta carezza,
'nu suonno d'oro, luntano 'o friddo,
e 'o core canta senza stanchezza:
Bianca mia bella, tesoro 'e 'stu munno.